ERMAT

Tumawag ako sa aking inay kanina.
Naglalaba na naman s'ya.

Yun talaga ang triP n'ya at hobby sa buhay.
Simula yata ng tumigil sa pananahi, pinagkaabalahan na nya ang maglaba.
Kung meron mang weird sa paglalaba n'ya,
Yun ay ang mas madalas n'yang paglalaba tuwing umuulan.
Kaya naman ang tatay ko ay galit kapag nagsampay sa kusina ang mga patuyuing damit.

Ang inay ko, singkit ang mata, maikli ang buhok na kinulayan ng mapulang brown.
Kayumanggi pero ang alam ko dati xang maputi.
Epekto na kasi ng kalalaba at kakasampay.
Medyo tumaba na siya pero hindi ganun kataba.
Syempre, given na ung pagtaba dahil na din sa pagtanda.

May mga oras na sinusumbatan ko ang aking ina.
biro lang naman..:p
Kasi naman iniisip ko na hindi ako naalagaan nung bata ako.
Isinisisi ko sa kanya ang mga namaga kong libag sa tuhod at siko pati na ang mga piso ko sa binti.
Bata pa lang kasi ako, subsob na s'ya sa trabaho.
Umaalis ng 4am para sa trabaho.
Kaya kumahog ako na ihanda ang aking pampaligo sa edad na singko.
Ayaw ko naman iaasa kina utol ang mga gawaing ito.

TRIVIA: nag-iisa po akong babae sa anim na magkakapatid.
Aang aking ina,katuwang ang aking tatay ay maasikaso sa kanyang mga anak.
Dalawang trahedya ang dumaan sa aming pamilya ngunit nanatili s'yang matatag.
Ng susuko na ang aking tatay s'ya ang nagpapalakas ng kanyang loob.
DRAMA naman...hehehe..

Ang aking ermat kung sa sasakyan, may problema ang preno.
Madalas kasi s'yang nadudulas o kaya naman ay nadadapa.
Hindi na namin un tinitingnan na nakakaawa, minsan talagang nakakatawa na talaga.
Biruin mo, kahit sa patag, nadudulas s'ya. hahaha!
Madalas s'yang gumawa ng scandal sa palengke kung saan talagang literal na lumilipad ang mga Pinamili n'ya including mga isda.
Sa mall, ganun din s'ya.
Bago kami sumakay ng escalator, binibiro ko s'ya kung escalator, stairs o karga. hehehe.
Nakaka-kaba kasi.

Madalas n'yang kinukwento sa akin ang kanyang manliligaw nung kadalagahan n'ya .
Hanep si madir, ako nakaisa lang tapos s'ya madami pala.
Super pila pa ang mga lalaki sa kanya.
Magpipinsan ang nanliligaw.
Swerte na nga lang ng aking erpat si ermat ang napangasawa.

Alam n'yo, sobrang swerte ng mga naging hipag ko at magiging hipag.
Hands-on ang aking ermat sa mga apo.
Nitong huli binbiro n'ya ako.

INAY: Nene, maabutan ko pa kaya ang aking magiging apo sa'yo?
AKO: Aba inay, wag n'yo akong tanungin at baka ako nga ay makapag-asawa. hahaha!

Yan ang madalas naming biruang dalawa.Ü

Dahil nga hands-on s'ya,
Susuyurin n'ya ang kakasuluk-suukan ng Brgy Aya
Para lang makautang ng pera
Nung panahong sabay-sabay kami ng pag-aaral.
Sa kanya ko siguro namana ang art ng pangungutang pag walang-wala na.
Varsity n'ya ako..hehehe

Ang mga kailangan naming damit sa mga school competition mga required na get-up, sya ang lumalakad.
Kaya naman, lagi s'ya ang taun-taong nasa stage.
Ahhhmmmm....yabang ano?:p

Sa mga panahong nagsimula akong medyo tubuan ng puso na hanggang ngayon ay tumutubo, sa Aking inay ako nagkukwento.
Minsan nakakahiya na nga.
Nahihirapan akong magpigil na kiligin pag pinagkukuwentuhan namin si hemats boy.
Sisingitan pa n'ya ng mga payo na sa parte ko minsan ay nakakasuka at baduday talaga.
Kaso lang ewan ko, siya na ang bestfriend ko sa bahay.
Alangan naman sa mga barako magkwento. ;p

Si ermat mahilig magcha-cha.
Nakakatawa ung isang step lang ang nakikita ko sa kanya.
Cha-cha and then ikot..hahaha!
Kung sa kantahan din lang nman, aba! sa kanya ako nagmana..Ü

Katulad ng ibang ina, maingay s'ya sa umaga.
Natural na yata yun. hahaha!
Nangingibabaw ang boses n'ya kung weekends. hehehe..

Maswerte kami ke ermat. Ang dami ko pang gustong ibigay na reward sa kanya bukod sa tribute entry kong ito. Kung pahihihntulutan sana ni Papa Jesus, Sana magkaroon ng pagkakataon na mabigay ko sa kanya lahat ng kanyang gusto. Buti na lang siya ang inay ko. Kahit makulit, hindi ko pagpapalit

Ang entry kong ito ay sinusulat ko sa pagitan ng aking trabaho at kaantukan. Para sa akin at sa inyo, medyo may kabaduyan. Naisipan ko lang na gawin kasi ngayon ay kanyang kaarawan.
Happy birthday MUDRA! Wag ka ng madadapa, ipapahuli na kita sa pulis for public scandal. hahaha!

PS: pedeng pag naglilinis ng bahay, huwag mo ng ibalik ang mga itinapon kong basura? hahaha!